Cristine Reyes, Binalikan ang Masalimuot na Pagkabata na Naranasan Niya sa Kamay Mismo ng Kanyang Sariling Ina

Muling binalikan ng aktres na si Cristine Reyes ang masalimuot niyang pagkabata. Hindi lingid sa kaalaman ng publiko na sa murang edad ay humarap rin sa iba’t-ibang pagsubok ang 32-anyos na aktres. Sa kanyang nagdaang interview sa podcast na ‘Eight Billion Project,’ nagbalik tanaw si Cristine sa mga dinanas niya sa kamay ng kanya mismong ina.

Ayon kay Cristine, anim na taong gulang pa lamang siya nang malaman niyang adopted lamang siya. Sa murang edad na ito ay binawi rin siya ng kanyang biological mother. Ngunit kahit pa muli siya nitong kinuha, hindi raw naramdaman ni Cristine ang aruga at pagmamahal ng isang ina dahil tila ba matindi ang galit at pagsisisi ng nanay niya.

“I was very neglected at six years old. I remember whenever there’s a problem, I would constantly hear words, ‘You know, you should have died. You never should have been born I tried so many times to abort you. Your grip was there, you should have died,’” ilan lamang daw ito sa mga masasakit na salitang sinabi ng kanyang ina.

Kaya naman sa murang edad ay namulat na si Cristine sa tahanan ng kanyang ina na binansagan niyang ‘hell house.’ Labis rin daw niyang nami-miss ang kanyang adoptive family, lalo pa’t sila ang tunay na nagparamdam sa kanya ng pag-aaruga at pagmamahal. Edad 21 nang sa wakas ay bumukod na rin si Cristine.

Ayon sa kanya, labis na trauma ang dinanas niya sa kamay ng kanya mismong ina. Lagi rin daw siyang takot, at napuno ng galit ang puso niya dahil sa ‘unloving environment’ na kinalakihan niya. At ngayong nanay na rin siya, ayaw niya rin daw maulit pa ang pangyayaring ito sa kanyang anak.

“Now, I’m realizing you can speak up. I can stand up for myself. I’m already 32 and I still have that in me wherein I can’t speak my mind. I can say no if I don’t want to. I wanna work on self-care. Yeah, I have this past. Yeah, I have a bad childhood. But you can always make a difference. You don’t have to carry it.”

Ano ang masasabi niyo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.

Leave a Reply

Your email address will not be published. Required fields are marked *